കുട്ടികൾ ഓടിച്ച കാർ ഇടിച്ച് ഒരാൾ മരിച്ചു

കുട്ടികൾ ഓടിച്ച കാർ ഇടിച്ച് ഒരാൾ മരിച്ചു. മൂന്ന് പേർക്ക് പരുക്കേറ്റു. ആലുവ നൊച്ചിമ സ്വദേശി പി.എ.ബക്കർ ആണ് മരിച്ചത്.62 വയസായിരുന്നു.ആലുവ മുട്ടം തൈക്കാവിന് സമീപത്താണ് അപകടമുണ്ടായത്.

നിയന്ത്രണം വിട്ട കാർ ചായക്കടയിലേക്ക് പാഞ്ഞുകയറിയാണ് അപകടം ഉണ്ടായത്.ചായ കുടിച്ചു കൊണ്ടിരിക്കുന്നവരെ കാർ
ഇടിച്ചു തെറിപ്പിക്കുകയായിരുന്നു.പ്രായപൂർത്തിയാകാത്ത അഞ്ച് കുട്ടികളാണ് കാറിലുണ്ടായിരുന്നത്. ഇവരെ പൊലീസ് കസ്റ്റഡിയിലെടുത്തു.