ഡിസംബറിൽ വാഹനങ്ങളുടെ വിലയിൽ വൻ ഓഫറുമായി ഹോണ്ട

ഡിസംബർ മാസത്തിൽ വാഹനങ്ങളുടെ വിലയിൽ വൻ ഇളവുകളുമായി ഹോണ്ട. 72340 രൂപ വരെ ഇളവുകളുമായാണ് ഹോണ്ട കാർസ് ഇന്ത്യ എത്തിയിരിക്കുന്നത്. ഹോണ്ടയുടെ ഇന്ത്യൻ വെബ് സൈറ്റിലെ വിവരങ്ങൾ പ്രകാരം 72340 രൂപ വരെ ഇളവ് വിവിധ വാഹനങ്ങൾക്ക് നൽകുന്നുണ്ട്. ഡീലർഷിപ്പുകളേയും മോഡലുകളുടെ ലഭ്യതയ്ക്കും അനുസരിച്ചാണ് ഇളവുകൾ നൽകുന്നത്. ഡിസംബർ അവസാനം വരെ അല്ലെങ്കിൽ സ്റ്റോക്ക് തീരുന്നതുവരെ ആയിരിക്കും ഈ ഓഫർ നിലവിലുണ്ടാകുക.

‌കോംപാക്റ്റ് സെ‍ഡാനായ അമേയ്സിന്റെ വിവിധ മോഡലുകൾക്ക് 43144 രൂപ വരെയാണ് ഡിസ്കൗണ്ട്. എല്ലാ പെട്രോൾ വകഭേദങ്ങൾക്കും 10000 രൂപ ഇളവോ അല്ലെങ്കിൽ 12144 രൂപയുടെ എഫ്ഒസി ആക്സസറീസോ നൽകുന്നുണ്ട്. കൂടാതെ 20000 രൂപ വരെ കാർ എക്സ്ചേഞ്ച് ഡിസ്കൗണ്ട്, 5000 രൂപ ഹോണ്ട കസ്റ്റമർ ലോയലിറ്റി ബോണസ്, കോർപ്പറേറ്റ് ഡിസ്കൗണ്ടായി 3000 രൂപ എന്നിവയും നൽകുന്നുണ്ട്. ഇവയെല്ലാം കൂടെ ചേർന്നാലാണ് 43144 രൂപ ഇളവു വരുന്നത്.