രജനികാന്തിന്‍റെ ആരോഗ്യ നിലയില്‍ പുരേഗതി; താരം ഇന്ന് ആശുപത്രി വിടും

തമിഴ് സൂപ്പർ താരം രജനികാന്തിൻറെ ആരോഗ്യ നിലയിൽ പുരേഗതിയുള്ളതായി ആശുപത്രി വൃത്തങ്ങൾ അറിയിച്ചു. രജനികാന്ത് ഇന്ന് ആശുപ്ത്രി വിട്ടേക്കുമെന്നാണ് സൂചന. രക്തസമ്മർദ്ദത്തിലെ വ്യതിയാനത്തെ തുടർന്ന് കഴിഞ്ഞ വെള്ളിയാഴ്ച്ചയാണ് രജനികാന്തിനെ ആശുപത്രിയിൽ പ്രവേശിപ്പിച്ചത്.

കഴിഞ്ഞ 10 ദിവസമായി ഹൈദരാബാദിൽ ഷൂട്ടിങ്ങിലായിരുന്നു താരം. സെറ്റിലെ ചിലർക്ക്​ കോവിഡ്​ സ്ഥിരീകരിച്ചതിനെത്തുടർന്ന്​ ഡിസംബർ 22ന്​ അദ്ദേഹത്തെ കോവിഡ്​ പരിശോധനക്ക്​ വിധേയമാക്കി. എന്നാൽ അദ്ദേഹത്തിൻറെ കോവിഡ്​ പരിശോധനഫലം നെഗറ്റീവായിരുന്നു.