യുഡിഎഫ് ഘടകകക്ഷി നേതാക്കളുമായി എഐസിസി സംഘം ഇന്ന് കൂടിക്കാഴ്ച നടത്തും

തിരുവനന്തപുരം :യുഡിഎഫ് ഘടകകക്ഷി നേതാക്കളുമായി എഐസിസി സംഘം ഇന്ന് കൂടിക്കാഴ്ച നടത്തും. നേതാക്കളുടെ പരാതികളും പരിഹാര നിർദേശങ്ങളും സംഘം വിശദമായി കേൾക്കും. കോൺഗ്രസ് നേതാക്കളുമായി ഇന്നലെ നടന്ന കൂടിക്കാഴ്ചയിൽ നേതൃത്വത്തിനെതിരെ രൂക്ഷ വിമർശനം ഉയർന്നിരുന്നു

തദ്ദേശ തെരഞ്ഞെടുപ്പിന് പിന്നാലെ കോൺഗ്രസ് നേതൃത്വത്തിനെതിരെ ഘടക കക്ഷികൾ ഒന്നടങ്കം രംഗത്തു വന്നിരുന്നു. ഈ പശ്ചാത്തലത്തിലാണ് കേന്ദ്ര നേതൃത്വം ഘടകകക്ഷി നേതാക്കളെ വെവ്വേറെ കാണുന്നത്. മുന്നണിയിലെ പ്രശ്നങ്ങളും കോൺഗ്രസ് നേതൃത്വത്തിനെതിരായ പരാതികളും എഐസിസി ജനറൽ സെക്രട്ടറി താരിഖ് അൻവറിന്റെ നേതൃത്വത്തിലുള്ള സംഘം വിശദമായി കേൾക്കും