കേരളത്തിന് പ്രത്യേക മെഡിക്കൽ ടീമിനെ അനുവദിക്കണമെന്ന് മോദിക്ക് സുരേന്ദ്രന്റെ കത്ത്

Wrote a letter to the Hon’ble PM Shri. Narendra Modi ji requesting an immediate intervention regarding the rapid rise in…Posted by K SurendranonMonday, January 4, 2021
കേരളത്തിൽ കൊവിഡ് രോഗികൾ വർദ്ധിക്കുന്ന പശ്‌ചാത്തലത്തിൽ ബി ജെ പി സംസ്ഥാന അദ്ധ്യക്ഷൻ കെ സുരേന്ദ്രൻ പ്രധാനമന്ത്രിക്ക് കത്തയച്ചു. കേരളത്തിന് പ്രത്യേക മെഡിക്കൽ ടീമിനെ അനുവദിക്കണമെന്ന് അദ്ദേഹം പ്രധാനമന്ത്രിയോട് അഭ്യർത്ഥിച്ചു.രാജ്യത്ത് നിലവിലുളള സജീവ കേസുകളിൽ 26 ശതമാനവും കേരളത്തിലാണ്. രാജ്യത്ത് ടെസ്റ്റ് പോസിറ്റിവിറ്റി നിരക്ക് രണ്ട് ശതമാനത്തോളമാണെങ്കിൽ സംസ്ഥാനത്ത് ഇത് പത്ത് ശതമാനമാണ്. ദേശീയ ശരാശരിയുടെ അഞ്ച് മടങ്ങ് കൂടുതലാണിത്. ദിനംപ്രതി കോവിഡ് രോഗികളുടെ എണ്ണം വർദ്ധിച്ച് വരുന്നുവെന്നും സുരേന്ദ്രൻ കത്തിൽ ചൂണ്ടിക്കാട്ടി,രാജ്യത്ത് ഏറ്റവും കൂടുതൽ ആക്‌ടീവ് കേസുകളുളള 20 ജില്ലകൾ എടുത്താൽ അതിൽ പന്ത്രണ്ടും കേരളത്തിലാണെന്നും മരണ നിരക്കിൽ കുറവ് വരുന്നില്ലെന്നും സുരേന്ദ്രൻ പ്രധാനമന്ത്രിക്ക് അയച്ച കത്തിൽ പറയുന്നു.