യു.കെയിൽ നിന്നെത്തുന്നവരുടെ ക്വാറന്‍റീൻ മാനദണ്ഡങ്ങൾ കർശനമാക്കി ഡൽഹി

ജനിതകമാറ്റം സംഭവിച്ച കൊവിഡ് വൈറസ് രാജ്യത്ത് കണ്ടെത്തിയ സാഹചര്യത്തിൽ യു.കെയിൽ നിന്നെത്തുന്നവരുടെ ക്വാറന്‍റീൻ മാനദണ്ഡങ്ങൾ കർശനമാക്കി ഡൽഹി സർക്കാർ. ഇവരെ കർശനമായ ക്വാറന്റീൻ നടപടികൾക്ക് വിധേയരാക്കുമെന്ന് ഡൽഹി മുഖ്യമന്ത്രി അരവിന്ദ് കേജ് രിവാൾ അറിയിച്ചു.

യു​.കെ​യി​ൽ നി​ന്ന് ഡ​ൽ​ഹി​യി​ലെ​ത്തു​ന്ന യാ​ത്ര​ക്കാ​ർ ഏ​ഴു ദി​വ​സം സ​ർ​ക്കാ​ർ ക്വാ​റ​ന്‍റീനിൽ കഴിയണം. കോ​വി​ഡ് പ​രി​ശോ​ധ​നാ ഫ​ലം നെ​ഗ​റ്റീ​വാ​യാ​ലും സ​ർ​ക്കാ​ർ ക്വാ​റ​ന്‍റൈ​നി​ൽ ക​ഴി​യ​ണം. തു​ട​ർ​ന്നു ഏ​ഴു ദി​വ​സം ഹോം ​ഐ​സോ​ലേ​ഷ​നി​ലും ക​ഴി​യ​ണ​മെ​ന്നും ഡ​ൽ‌​ഹി മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ൾ ട്വീ​റ്റ് ചെ​യ്തു.

അ​തി​തീ​വ്ര കൊ​വി​ഡ് വ്യാ​പ​ന​ത്തെ തു​ട​ർ​ന്ന് നി​ർ​ത്തി​വ​ച്ച ഇ​ന്ത്യ-​യു​കെ വി​മാ​ന സ​ർ​വീ​സ് ര​ണ്ടാ​ഴ്ച​ക്ക് ശേ​ഷം ഇ​ന്ന് ഭാ​ഗി​ക​മാ​യി പു​നഃ​രാ​രം​ഭി​ച്ചി​രു​ന്നു. ല​ണ്ട​നി​ൽ നി​ന്ന് 246 യാ​ത്ര​ക്കാ​രു​മാ​യി എ​യ​ർ ഇ​ന്ത്യ വി​മാ​നം ഇ​ന്ന് രാ​വി​ലെ ഡ​ൽ​ഹി​യി​ൽ എ​ത്തി​.

ഈ ​വി​മാ​ന​ങ്ങ​ളി​ൽ യാ​ത്ര ചെ​യ്യു​ന്ന എ​ല്ലാ​വ​രും 72 മ​ണി​ക്കൂ​റി​ന​കം ആ​ർ​.ടി പി​.സി​.ആ​ർ ടെ​സ്റ്റ് ന​ട​ത്തി​യി​രി​ക്ക​ണം എ​ന്ന നി​ബ​ന്ധ​ന​യു​ണ്ട്. ജ​നു​വ​രി 23 വ​രെ ആ​ഴ്ച​യി​ൽ 23 വി​മാ​ന​ങ്ങ​ളേ അ​നു​വ​ദി​ക്കൂ​വെ​ന്ന് കേ​ന്ദ്ര വ്യോ​മ​യാ​ന മ​ന്ത്രാ​ല​യം അ​റി​യി​ച്ചി​ട്ടു​ണ്ട്.

അതേസമയം, ഡൽഹിയിൽ നാലു പേർക്കുകൂടി പുതിയ വകഭേദത്തിൽപ്പെട്ട കൊവിഡ് സ്ഥിരീകരിച്ചു. നിലവിൽ 13 പേർക്കാണ് ഡൽഹിയിൽ പുതിയ തരം വൈറസ് ബാധിച്ചിരിക്കുന്നത്.