മാസ്ക് ധരിക്കാതെയുള്ള ക്രിക്കറ്റ് കളിക്കുന്ന ആമിര്‍ ഖാന്റെ ചിത്രങ്ങൾക്ക് വിമർശന പെരുമഴ
ബോളിവുഡ് സൂപ്പര്‍താരം ആമിര്‍ ഖാന്‍ കുട്ടികള്‍ക്കൊപ്പം ക്രിക്കറ്റ് കളിക്കുന്നതിന്റെ ചിത്രങ്ങള്‍ വൈറലായത് കഴിഞ്ഞ ദിവസമാണ്. മുംബൈയിലെ ആരാം നഗറിലാണ് കുട്ടികളോടൊപ്പം താരം ക്രിക്കറ്റ് കളിച്ചത്. സോഷ്യല്‍മീഡിയയില്‍ ഇതിന്‍റെ വീഡിയോയും ചിത്രങ്ങളും വൈറലാണ്. എന്നാല്‍ ഈ കൊവിഡ് സമയത്ത് മാസ്ക് ധരിക്കാതെയുള്ള ക്രിക്കറ്റ് കളിക്കെതിരെ ആമിറിനെതിരെ രംഗത്തെത്തിയിരിക്കുകയാണ് ചിലര്‍. ആമിര്‍ കളിക്കാന്‍ ഇറങ്ങിയത് കുട്ടികളുടെ ക്രിക്കറ്റ് മൈതാനത്താണ്. താരത്തിന്‍റെ കളി കാണാന്‍ നിരവധി പേര്‍ മൈതാനത്തിന് ചുറ്റും കൂടി. ചെറിയ കുട്ടികള്‍ക്കൊപ്പമായിരുന്നു ആമിറിന്‍റെ കളി.
സിക്‌സും ഫോറുമെല്ലാം അടിച്ചാണ് കളിച്ചത്. കളി കഴിഞ്ഞ ശേഷമാണ് ആമിര്‍ മാസ്ക് വയ്ക്കുന്നതായി വീഡിയോയിലുള്ളത്. മാത്രമല്ല ആരും തന്നെ മാസ്ക് ധരിക്കാത്തതായും വീഡിയോയിലുണ്ട്. വീഡിയോ വൈറലായതിന് പിന്നാലെയാണ് വിമര്‍ശനം ശക്തമായിരിക്കുന്നത്. താരങ്ങള്‍ ഉള്‍പ്പെടെയുള്ളവര്‍ ഇതിനെതിരെ വിമര്‍ശനങ്ങളുമായി എത്തിയിട്ടുണ്ട്. മരണഭയമില്ലാത്തവരാണോ നിങ്ങളെന്നാണ് ചിലര്‍ വീഡിയോയ്ക്ക് താഴെ കുറിച്ചിട്ടുള്ളത്. ക്രിക്കറ്റ് കളിക്കുമ്ബോള്‍ മാസ്ക് വയ്ക്കാനാകുമോ കളിക്കുന്നതിനിടെ ശ്വാസം ആവശ്യമാണല്ലോയെന്നു ചോദിച്ചു കൊണ്ട് അമീറിന് പിന്തുണയുമായി ചിലരെത്തിയിട്ടുമുണ്ട്.
