സമുദ്രാതിർത്തി ലംഘിച്ചെന്നാരോപിച്ച് ഇന്ത്യൻ മത്സ്യത്തൊഴിലാളികളെ ശ്രീലങ്കൻ നാവിക സേന പിടികൂടി

കൊളംബോ : സമുദ്രാതിർത്തി ലംഘിച്ചെന്നാരോപിച്ച് 9 മത്സ്യത്തൊഴിലാളികളെ ശ്രീലങ്കൻ നാവിക സേന പിടികൂടി. ഇവരുടെ ബോട്ടും നാവിക സേന പിടിച്ചെടുത്തു .

നെടുൻതീവിന്​ സമീപത്തുവെച്ചാണ്​ മത്സ്യത്തൊഴിലാളികളെ അറസ്​റ്റ്​ ചെയ്​തത്​. കച്ചത്തീവിന്​ സമീപം സമുദ്രാതിർത്തി ലംഘിച്ച്​ മത്സ്യ ബന്ധനം നടത്തിയെന്നാരോപിച്ച്​ ലങ്കൻ നാവികസേന മറ്റ് ബോട്ടുകളിലെ മത്സ്യവല നശിപ്പിച്ചതായും ഫിഷറീസ് അധികൃതർ പറഞ്ഞു.