ജപ്പാനിൽ കോവിഡി​െൻറ പുതിയ വകഭേദം

കോവിഡ്​ വൈറസി​െൻറ പുതിയ വകഭേദം ജപ്പാനിലും കണ്ടെത്തി. ബ്രസീലിൽനിന്ന്​ ജപ്പാനിലെത്തിയ യാത്രക്കാരിലാണ്​ വൈറസി​െൻറ പുതിയ വകഭേദം കണ്ടെത്തിയതെന്ന്​ ജപ്പാൻ ആരോഗ്യമന്ത്രാലയം അറിയിച്ചു. നേരത്തേ ബ്രിട്ടൻ, ദക്ഷിണാഫ്രിക്ക എന്നീ രാജ്യങ്ങളിൽ റിപ്പോർട്ട്​ ചെയ്​ത വൈറസ്​ വകഭേദങ്ങളിൽനിന്ന്​ വ്യത്യസ്​തമാണ്​ പുതിയ വകഭേദം.

വിമാനത്താവളത്തിൽ നടത്തിയ കോവിഡ്​ പരിശോധനയിലാണ്​ ബ്രസീലിൽ നിന്നെത്തിയ നാൽപതുകാരനും മുപ്പതുകാരിക്കും രണ്ടു കൗമാരക്കാർക്കും പുതിയ കോവിഡ്​-19 സ്​ഥിരീകരിച്ചിരിക്കുന്നത്​. ലോകാരോഗ്യ സംഘടനയും മറ്റു രാജ്യങ്ങളുമായി ചേർന്ന്​ വൈറസി​െൻറ പുതിയ വകഭേദത്തെ കുറിച്ചുള്ള പഠനത്തിലാണ്​ ജപ്പാൻ. നിലവിൽ കണ്ടുപിടിച്ച വാക്​സിനുകൾ പുതിയ വകഭേദത്തെ പ്രതിരോധിക്കാൻ കാര്യക്ഷമമാണോ എന്നത്​ വ്യക്തമല്ല. നേരത്തേ ബ്രിട്ടൻ, ദക്ഷിണാഫ്രിക്ക വകഭേദത്തിലുള്ള മുപ്പത്​ കോവിഡ്​ കേസുകൾ ജപ്പാനിൽ റിപ്പോർട്ട്​ ചെയ്​തിരുന്നു.