യു. ഡി. എഫിൽ മക്കൾ രാഷ്ട്രീയം
നിയമസഭാ തെരഞ്ഞെടുപ്പില്‍ കേരളം പിടിച്ചെടുക്കാന്‍ മക്കളെ രംഗത്തിറക്കി യുഡിഎഫ്, മത്സരിക്കാന്‍ ജൂനിയര്‍ ആന്റണി, ചാണ്ടി ഉമ്മന്‍, ഷോണ്‍ ജോര്‍ജ്, ഇബ്രാഹിംകുഞ്ഞിന്റെ മകന്‍ തുടങ്ങിയവരെ രംഗത്തിറക്കി. തദ്ദേശതെരഞ്ഞെടുപ്പില്‍ യുഡിഎഫിനേറ്റ കനത്ത തോല്‍വിയെ മറികടക്കാനാണ് ഇക്കുറി കോണ്‍ഗ്രസിലെ മുതിര്‍ന്ന നേതാക്കളുടെ മക്കളെ മത്സരരംഗത്തിറക്കുന്നത്.
മക്കള്‍രാഷ്ട്രീയം ഇടതുമുന്നണിയേക്കാളേറെ കോണ്‍ഗ്രസിലും യു.ഡി.എഫ്. ഘടകകക്ഷികളിലുമാണു കൂടുതലായി കാണപ്പെടുന്നത്. വരാനിരിക്കുന്ന നിയമസഭാ തെരഞ്ഞെടുപ്പില്‍ കോണ്‍ഗ്രസിന്റെ മുതിര്‍ന്ന നേതാക്കളായ എ.കെ. ആന്റണിയുടെയും ഉമ്മന്‍ ചാണ്ടിയുടെയും മക്കള്‍ മത്സരിക്കുമോയെന്ന ചോദ്യം സാമൂഹികമാധ്യമങ്ങളില്‍ ഉള്‍പ്പെടെ സജീവമാണ്.
