ലോകത്താകെമാനം കോവിഡ് രോഗികളുടെ എണ്ണം ഉയരുന്നു

ന്യൂയോർക്ക്: ലോകത്താകെമാനം കോവിഡ് രോഗികളുടെ എണ്ണം ഉയരുന്നു . അഞ്ചരലക്ഷത്തിലധികം പുതിയ കോവിഡ് കേസുകൾ റിപ്പോർട്ട് ചെയ്‌തു. ഇതോടെ ആകെ കോവിഡ് രോഗബാധിതരുടെ എണ്ണം 10,19,89,243 ആയി ഉയർന്നു. 21,98,714 പേർ കോവിഡ് ബാധിച്ചു മരിച്ചു. രോഗമുക്തി നേടിയവരുടെ എണ്ണം ഏഴ് കോടി മുപ്പത്തിയെട്ട് ലക്ഷം കടന്നു.

അമേരിക്ക, ഇന്ത്യ, ബ്രസീൽ, റഷ്യ, ബ്രിട്ടൻ എന്നീ രാജ്യങ്ങളാണ് രോഗികളുടെ എണ്ണത്തിൽ ആദ്യത്തെ അഞ്ച് സ്ഥാനങ്ങളിലുളളത്. അമേരിക്കയിൽ രണ്ട് കോടി അറുപത്തിമൂന്ന് ലക്ഷം പേർക്കാണ് വൈറസ് ബാധ റിപ്പോർട്ട് ചെയ്തിരിക്കുന്നത്. മരണസംഖ്യ 4.33 ലക്ഷമായി. 1.60 കോടി പേർ രോഗമുക്തി നേടി.