മത്സ്യബന്ധനവുമായി ബന്ധപ്പെട്ടുള്ള നിയമങ്ങള്‍ കര്‍ശനമായി നടപ്പാക്കാന്‍ കുവൈറ്റ് സിറ്റി
മത്സ്യബന്ധനവുമായി ബന്ധപ്പെട്ടുള്ള നിയമങ്ങള്‍ കര്‍ശനമായി നടപ്പാക്കാന്‍ പബ്ലിക് അതോറിറ്റി ഫോര്‍ അഗ്രികള്‍ച്ചറല്‍ അഫയേഴ്‌സ് ആന്‍ഡ് ഫിഷ് റിസോഴ്‌സിലെ മാരിടൈം കണ്‍ട്രോള്‍ പട്രോളിംഗ് ടീമുകള്‍ രംഗത്ത്.
ജനുവരിയില്‍ 45 നിയമലംഘനങ്ങള്‍ സംഘം കണ്ടെത്തിയിട്ടുണ്ട്. മത്സ്യബന്ധനവുമായി ബന്ധപ്പെട്ട് നിയമലംഘനം നടത്തുന്നവരെ കണ്ടെത്താന്‍ അതോറിറ്റിയിലെ എട്ട് ടീമുകള്‍ രംഗത്തുണ്ടെന്ന് ഫിഷിംഗ് സെക്ടര്‍ ഡെപ്യൂട്ടി ഡയറക്ടര്‍ മര്‍സൂഖ് അല്‍ അസ്മി പറഞ്ഞു.
മത്സ്യത്തൊഴിലാളികള്‍ക്കെതിരെ 18 മുന്നറിയിപ്പുകളും, പിക്‌നിക് ബോട്ടുകള്‍ക്കെതിരെ 13 മുന്നറിയിപ്പുകളും, അജ്ഞാത നിയമലംഘനങ്ങള്‍ക്കെതിരെ 14 മുന്നറിയിപ്പുകളും പുറപ്പെടുവിച്ചു.
