ഡല്‍ഹി- ഹരിയാന അതിര്‍ത്തിയായ സിംഗുവില്‍ കര്‍ഷകര്‍ക്ക് എതിരെ പ്രതിഷേധിച്ചത് നാട്ടുകാർ : വി മുരളീധരന്‍
തിരുവനന്തപുരം :ഡല്‍ഹി- ഹരിയാന അതിര്‍ത്തിയായ സിംഗുവില്‍ കര്‍ഷകര്‍ക്ക് എതിരെ പ്രതിഷേധിച്ചത് നാട്ടുകാരെന്ന് കേന്ദ്ര മന്ത്രി വി മുരളീധരന്‍ ആരോപിച്ചു . സിംഗുവിലെ പ്രതിഷേധത്തില്‍ ബിജെപിക്ക് പങ്കില്ല. ജനങ്ങള്‍ പ്രതിഷേധിക്കുമ്പോള്‍ ബിജെപിയാണെന്ന് പറയുന്നതില്‍ കാര്യമില്ലെന്നും മുരളീധരന്‍.
ചെങ്കോട്ടയിലെ അക്രമങ്ങളില്‍ നാട്ടുകാര്‍ക്ക് പ്രതിഷേധമുണ്ട്. പ്രതിപക്ഷം അണികളെ മുന്നില്‍ നിര്‍ത്തി അക്രമം അഴിച്ചുവിടുകയാണെന്നും വി മുരളീധരന്‍. പ്രസിഡന്റിന്റെ നയപ്രഖ്യാപന സമ്മേളനം ബഹിഷ്‌കരിച്ചത് അപലപനീയമെന്നും മന്ത്രി. ഇത് ഭരണഘടന ലംഘനമാണ്. പ്രസിഡന്റ് ഏതെങ്കിലും പാര്‍ട്ടിയുടെ ഭാഗമല്ലെന്നും മുരളീധരന്‍.
