തിരുവനന്തപുരത്ത് ആർക്കിടെക്‌ച്ചർ വിദ്യാർത്ഥി ഹോസ്റ്റൽ മുറിയിൽ മരിച്ച നിലയിൽ

കഴക്കൂട്ടം മരിയൻ എഞ്ചിനീയറിംഗ് കോളേജിലെ മൂന്നാം വർഷ ആർക്കിടെക്‌ച്ചർ വിദ്യാർത്ഥിനിയെ ആത്‍മഹത്യ ചെയ്‌ത നിലയിൽ കണ്ടെത്തി. അടൂർ സ്വദേശിനി അഞ്ജനയെ ആണ് (21) ആത്മഹത്യ ചെയ്‌ത നിലയിൽ കണ്ടെത്തിയത്. ഹോസ്റ്റൽ റൂമിലാണ് അഞ്ജനയ മരിച്ച നിലയിൽ കാണപ്പെട്ടത്.രാവിലെ ഭക്ഷണം കഴിക്കാൻ കാണാത്തതിനാൽ സഹപാഠി മുറിയിലെത്തി നോക്കിയപ്പോഴാണ് അഞ്ജനയെ കട്ടിലിൽ മരിച്ച നിലയിൽ കാണുന്നത്. ഗുളികകൾ അമിത അളവിൽ കഴിച്ചതാകാം മരണകാരണം എന്നാണ് പൊലീസ് സംശയിക്കുന്നത്.