പാര്‍ട്ടി ചുമതലപ്പെടുത്തിയാല്‍ ഇത്തവണയും സുല്‍ത്താല്‍ ബത്തേരിയില്‍ മത്സരിക്കും :ഐ സി ബാലകൃഷ്ണന്‍
കൊച്ചി :പാര്‍ട്ടി ചുമതലപ്പെടുത്തിയാല്‍ ഇത്തവണയും സുല്‍ത്താല്‍ ബത്തേരിയില്‍ മത്സരിക്കുമെന്ന് ഡിസിസി പ്രസിഡന്റും സിറ്റിംഗ് എംഎല്‍എയുമായ ഐ സി ബാലകൃഷ്ണന്‍ . കൂടുതല്‍ താത്പര്യം രണ്ട് തവണ മികച്ച വിജയം സമ്മാനിച്ച ബത്തേരിയില്‍ തന്നെ മത്സരിക്കാനാണെന്നും കല്‍പറ്റ മണ്ഡലത്തില്‍ ജില്ലയില്‍ നിന്ന് തന്നെയുളള സ്ഥാനാര്‍ത്ഥി വേണമെന്നാണ് പ്രവര്‍ത്തകരുടെ താത്പര്യമെന്നും ഐസി ബാലകൃഷ്ണന്‍ അഭിപ്രായപ്പെട്ടു .
രണ്ട് തവണ വിജയിച്ചവര്‍ക്ക് വീണ്ടും അവസരം നല്‍കുന്നതാണ് സാധാരണ തുടര്‍ന്ന് പോരുന്ന രീതി. മത്സരിക്കുകയാണെങ്കില്‍ കൂടുതല്‍ താത്പര്യം രണ്ട് തവണ മികച്ച വിജയം സമ്മാനിച്ച ബത്തേരിയില്‍ മത്സരിക്കാന്‍ ആണെന്നും മറ്റൊരു മണ്ഡലം തേടി പോകുന്നത് ഉചിതമാകില്ലെന്നും അദ്ദേഹം കൂട്ടി ചേർത്തു .
