പത്ത് ദിവസത്തിനകം നിലപാട് അറിയിക്കാൻ സർക്കാരിന് നിർദേശം നൽകി ഹൈക്കോടതി

പൊതുമേഖലാ സ്ഥാപനങ്ങളിൽ താത്കാലികക്കാരെ സ്ഥിരപ്പെടുത്താൻ ചട്ടമുണ്ടോയെന്ന് ഹൈക്കോടതി. ഇക്കാര്യത്തിൽ പത്ത് ദിവസത്തിനകം നിലപാട് അറിയിക്കാൻ സർക്കാരിന് നിർദേശം നൽകിയിട്ടുണ്ട്.

താത്കാലികക്കാരെ സ്ഥിരപ്പെടുത്തുന്നതിനെതിരെ നൽകിയ ഹർജി പരിഗണിക്കുകയായിരുന്നു ഹൈക്കോടതി

പി എസ് സി റാങ്ക് ലിസ്റ്റിൽ ഉദ്യോഗാർഥികൾ കാത്തുനിൽക്കുമ്പോൾ പൊതുമേഖലാ സ്ഥാപനങ്ങളിലും ബോർഡുകളിലും കോർപറേഷനുകളിലും ഇഷ്ടക്കാരെ തിരുകി കയറ്റുന്നുവെന്ന് ആരോപിച്ച് യൂത്ത് കോൺഗ്രസാണ് ഹർജി നൽകിയത്.